Жніво ў раёне, як і ў цэлым па краіне, пачалося амаль на два тыдні пазней, чым у мінулыя гады. Прычынай таму сталі неспрыльныя ўмовы надвор’я. Вясной позна адсеяліся, тэмпературны рэжым мая аказаўся ніжэйшы за норму, вегетацыя праходзіла не вельмі актыўна, зацягнуўся працэс паспявання збожжавых. Пачатак уборкі затрымалі і моцныя дажджы.
- Першымі на жніўныя палеткі на Пастаўшчыне вывелі камбайны хлебаробы філіяла “Нафтазаводмантаж-агра”. Па стане на 8 жніўня зерневыя тут абмалочаны на 20,1 працэнта плошчы. Сонечнае надвор’е апошніх дзён спрыяе тэмпам. У ААТ “Камайскі-агра” ў мінулы панядзелак убралі 110 гектараў збожжавых, ААТ “Хацілы-агра” — 95, СП “Дунілавічы-агра” — 85.
- Па ўраджайнасці ў лідарах хацілаўцы. Тут з гектара атрымліваюць па 46,2 цэнтнера, што вышэй, чым у мінулым годзе. 36,9 цэнтнера з гектара намалочваюць у ААТ “Навасёлкі-Лучай”.
- Згодна з планам, жніво ў раёне трэба правесці на 15384 гектарах, пакуль ураджай убраны толькі з 1376 га. Летась на гэты час працэнт уборкі складаў 41,9.