Заўтра – Вялікдзень

Паважаныя вернікі каталіцкай канфесіі!

Шчыра віншуем вас з найвялікшым хрысціянскім святам — Уваскрэсеннем Хрыстовым!

Гэта ўрачыстасць заклікае да перамены нашага жыцця, каб мы адкрылі сваю душу для іншага чалавека. Галоўны запавет велікоднага дня — любіць бліжняга.

Давайце радавацца светлым пачуццям, якія абу­джаюцца ў нашых сэрцах, будзем шчырымі, міласэрнымі, цярпімымі адно да аднаго! Няхай вам, вашым родным, блізкім, знаёмым спадарожнічаюць дабрабыт і згода ў сем’ях.

Жадаем, каб светлы настрой завітаў у кожны дом і прынёс спакой, шчасце і радасць. Моцнага вам здароўя, поспехаў ва ўсіх справах.

Сяргей Чэпік, старшыня раённага выканаўчага камітэта

Пётр Курто, старшыня раённага Савета дэпутатаў

Паважаныя хрысціяне-католікі Пастаўшчыны!

Віншую вас з Вялікаднем! Няхай надыходзячае радаснае і светлае свята прынясе кожнаму з вас новыя надзеі і веру ў шчаслівую будучыню. Няхай вашы душы напаўняюцца шчырасцю і спакоем, будуць здаровымі і паспяховымі дзеці, моцнымі і шчаслівымі сем’і, актыўнымі і бадзёрымі бацькі. Шчыра жадаю вам матэрыяльнага дабрабыту, працвітання, любові!

Хрыстос уваскрос!

Павел Сільчонак, дэпутат Палаты прадстаўнікоў Нацыянальнага сходу Рэспублікі Беларусь