«Гучаць старадаўнія арганы Пастаўшчыны» — пад такой назвай музычнае свята пройдзе ў нашым раёне ў суботу, 25 лістапада. Арганізатары — Пастаўскі раённы выканаўчы камітэт пры падтрымцы парафіі касцёла Святога Антонія Падуанскага і Беззаганнага Зачацця Найсвяцейшай Дзевы Марыі ў г. Паставы.
Канцэрт “Шэдэўры класічнай музыкі” адбудзецца ў 11 гадзін у касцёле Святога Іаана Хрысціцеля ў Камаях, а ў 18.30 — у касцёле Святога Антонія Падуанскага ў Паставах.
У ім прымуць удзел арганіст касцёла Найсвяцейшай Тройцы ў Мінску, журналіст Беларускага радыё Віктар Кісцень, салістка Беларускай дзяржаўнай філармоніі, лаўрэат міжнародных конкурсаў Тамара Рэмез, лаўрэат міжнароднага конкурсуАляксандр Ахрэмка (труба).