Сухі і спякотны сёлетні жнівень прынёс нямала трывогі як ахоўнікам лесу, так і яго аматарам. Адны прымалі ўсе магчымыя меры, каб засцерагчы лясныя масівы ад пажараў, другія засмучаліся, што не маглі збіраць дары прыроды, бо дзейнічала забарона на наведванне лясоў.
Нарэшце пайшлі дажджы, якія “змылі” пажарную небяспеку. І раённы выканаўчы камітэт прыняў рашэнне аб адмене з 7 верасня забароны на наведванне лясоў. Пра што мы з задавальненнем і паведамляем чытачам газеты.
Такім чынам, дарога ў лес адкрыта. Нагадваем, што збор брусніц на тэрыторыі вобласці дазволены з 3 верасня, журавін — з 10-га. Магчыма, яшчэ з’явяцца і грыбы на радасць аматарам “ціхага палявання”.
Фаіна КАСАТКІНА