З Днём Незалежнасці Рэспублікі Беларусь і 80-й гадавінай вызвалення Беларусі ад нямецка-фашысцкіх захопнікаў!

Шаноўныя жыхары Пастаўшчыны!

Сардэчна віншуем вас з Днём Незалежнасці Рэспублікі Беларусь і 80-й гадавінай вызвалення Беларусі ад нямецка-фашысцкіх захопнікаў!

3 ліпеня — гэта найважнейшая дата ў гісторыі нашай дзяржавы, свята славы і гонару, святой памяці. Гэта асаблівы дзень для кожнага, хто любіць сваю Радзіму, захоўвае яе гісторыю і сваёй плённай працай уносіць штодзённы ўклад у яе росквіт.

80 гадоў мы жывём пад мірным небам. Ад вызвалення да незалежнасці пройдзены вялікі, складаны шлях. І сёння мы можам ганарыцца сваёй краінай, яе шматлікімі дасягненнямі ў разнастайных сферах.

Паважаныя землякі! Няхай заўсёды моцным будзе ваша здароўе, раду­юць поспехамі дзеці і ўнукі, будзе шчаслівым, напоўненым яркімі па­дзеямі жыццё!

Са святам!

Сяргей Чэпік, старшыня раённага выканаўчага камітэта

Юрый Кісялёў, старшыня раённага Савета дэпутатаў