Памятная падзея адбылася 5 ліпеня. Па традыцыі падчас святкавання Дня Незалежнасці Рэспублікі Беларусь у сталіцы ўшаноўвалі выпускнікоў вышэйшых ваенных навучальных устаноў.
— Мне таксама пашчасціла быць запрошаным на ўрачыстасць у Палац Незалежнасці і атрымаць з рук кіраўніка дзяржавы Падзяку Прэзідэнта, — не хавае радасці Аляксандр Мікалаевіч. — Уражанні незабыўныя. У захапленні ад самога палаца, у якім пабываў упершыню. Да глыбіні душы ўзрушыла ўрачыстая цырымонія ўручэння пагонаў і ўзнагарод.
Аляксандр Гарус 15 чэрвеня закончыў магістратуру пры Акадэміі Міністэрства ўнутраных спраў Рэспублікі Беларусь і адзіны з 44 аднакурснікаў удастоены Падзякі Прэзідэнта. У органах Міністэрства ўнутраных спраў палкоўнік Аляксандр Гарус служыць 24-ы год. Гэта яго трэцяя дзяржаўная ўзнагарода. Некалькімі гадамі раней адзначаны медалём «За бездакорную службу» ІІІ і ІІ ступеняў.
Фаіна Касаткіна, газета “Пастаўскі край”
Фото Николая Петрова, БЕЛТА