На палях працуе некалькі маладзёжных экіпажаў зернеўборачных камбайнаў. Найвышэйшых намалотаў дабіваюцца Аляксей Власаў, Валерый Ярашэвіч і Аляксандр Буча з адкрытага акцыянернага таварыства “Хацілы-агра”. Два першыя працуюць на КЗС-1218. На іх рахунку адпаведна 387 і 210 тон намалочанага збожжа. Намалот Аляксандра на КЗС-10К складае 160 тон.
Па 100 тон намалацілі Віталій Смолка з памочнікам Аляксандрам Добышам і Віктар Рогаў з Кірылам Пронькам з ААТ “Навасёлкі-Лучай”.
Рупныя і маладыя вадзіцелі. Напрыклад, Раман Бекіш з сельгаспрадпрыемства “Дунілавічы-агра” на аўтамашыне “МАЗ-555” перавёз амаль 300 тон збожжа. Валерый Яначкін лідзіруе ў ААТ “Кураполле-агра” — на МТЗ-82 ён перавёз 156 тон. На яго раўняюцца землякі Дзмітрый Янушкоўскі, Генадзій Кухальскі, Аляксандр Собаль. Амаль 100 тон перавезенага зерня на рахунку Віталія Дайлідзёнка з ААТ “Ярэва-агра”.
Анна АНІШКЕВІЧ.
Фота Сяргея ВШЫЎКАВА