Вучыліся ідэолагі

22 сакавіка ў райвыканкаме сабраўся ідэалагічны актыў раёна. Падчас пася¬джэння прадстаўнікі прадпрыемстваў, устаноў і сельвыканкамаў, адказныя за арганізацыю ідэалагічнай работы і работы з моладдзю, разгледзелі шэраг актуальных пытанняў. Агульныя напрамкі і шляхі ўдасканалення ідэалагічнай работы прадставіў намеснік старшыні райвыканкама Ю.М. Кісялёў. Начальнік аддзела ідэала¬гічнай работы, культуры і па справах моладзі Г. М. Чаплінская прааналізавала вынікі дзейнасці ідэолагаў Пастаўшчыны за 2016-ы і акрэсліла задачы на бягучы год. Сярод іншых тэм, разгледжаных у гэты дзень, былі асноўныя заканадаўчыя патрабаванні да інтэрнэт-сайтаў, стан работы ў працоўных калектывах раёна з пяр¬вічкамі ГА "БРСМ", а таксама супрацоўніцтва РАУС з іншымі арганізацыямі па прафілактыцы правапарушэнняў.

Людміла ЗЕЛЯНКЕВІЧ