Пад такой назвай у мастацкай галерэі «Універсітэт культуры» адкрылася персанальная выстава нашай зямлячкі Людмілы Курыловіч.
Людміла нарадзілася ў Паставах. Яна — дачка вядомай паэтэсы Ніны Захарэвіч. У 1986 годзе закончыла Віцебскі дзяржаўны педагагічны інстытут і пераехала ў Маскву. Выкладала фізіку, матэматыку, працавала намеснікам дырэктара па выхаваўчай рабоце гімназіі, кансультантам Дэпартамента сацыяльнай палітыкі Пастаяннага камітэта Саюзнай дзяржавы.
Пяць гатоў таму ўпершыню ўзяла ў рукі пэндзаль і адкрыла ў сабе талент мастака. За гэты час яе карціны выстаўляліся на розных выставах, было 9 персанальных. На палатне адлюстроўвае стан душы. Работы Людмілы знаходзяцца ў музеях Беларусі, у прыватных калекцыях у Францыі, Германіі, Нідэрландах, Канадзе, краінах СНД. На конкурсе мастацтва, які праходзіў у 2019 годзе ў рамках тыдня мастацтва ў Грэцыі, яе карціна «Мудрасць» стала пераможцай у намінацыі «Партрэт». Дарэчы, апошнім часам мастачка аддае перавагу менавіта патрэтам. Сярод герояў яе работ — родныя, сябры і шматлікія пастаўчане.
На выставе ў Мінску прадстаўлены партрэты жанчын і кветкавыя нацюрморты, створаныя ў розныя перыяды. Выстава будзе працаваць да 9 сакавіка.
Анна Анішкевіч, газета «Пастаўскі край»