Роўна праз тыдзень, у суботу, 30 студзеня, у райцэнтры, на гарадскім стадыёне, адбудзецца “Пастаўская лыжня”. У праграме спаборніцтваў — лыжная эстафета з чатырма этапамі (першыя два на дыстанцыю па 500 метраў, трэці і чацвёрты — па адным кіламетры). Мяркуецца, што ў эстафеце прымуць удзел чатыры групы: школы, гімназія і каледж; сельскія Саветы; арганізацыі, прадпрыемствы, воінскія часці і прадпрымальнікі; усе, хто пажадае (для жанчын дыстанцыя 500 метраў, для мужчын — 1 кіламетр).
Пераможцы будуць узнагароджаны.
Калі хто пажадае асабіста прыняць удзел у “Пастаўскай лыжні”, не пазней як да 28 студзеня паведаміце пра гэта ў дзяржаўнае аб’яднанне “Фізічная культура, спорт і турызм Пастаўскага раёна” на нумар 4-14-94.
Пачатак спартыўнага свята ў 12.30. Будзе весела і азартна. А для сагравання і падмацавання сіл работнікі грамадскага харчавання райспажыўтаварыства прапануюць каву, гарбату, шашлыкі.