Наваселле не за гарамі

Падпісаны акт уводу ў эксплуатацыю двухпавярховага жылога дома для сям'і, якая выхоўвае дзяцей-сірот і дзяцей, якія засталіся без апекі бацькоў. Будынак будзе належаць аддзелу адукацыі, спорту і турызму райвыканкама.

Узвядзеннем дома займаліся будаўнікі АБП «Рассвет Пастаўскі». Яго агульная плошча складае 210 квадратных метраў, падведзены інжынерныя сеткі, устаноўлена аўтаномнае газавае ацяпленне, добраўпарадкаваны прылеглая тэрыторыя і дзіцячая пляцоўка. А на мінулым тыдні прыступілі да ўкамплектавання будынка ўсёй неабходнай мэбляй, 90% якой выраблена па індывідуальным заказе на ААТ «Паставымэбля». Бытавую тэхніку і іншую неабходную хатнюю маёмасць закупяць крыху пазней. Усе рэчы будуць набыты за кошт бюджэтных і спонсарскіх сродкаў.

Вераніка ФІЛАНОВІЧ