Пад такой назвай па ініцыятыве грамадскага аб’яднання «Беларускі рэспубліканскі саюз моладзі» з 22 студзеня па ўсёй краіне праходзіць акцыя, прымеркаваная да правядзення выбараў дэпутатаў у мясцовыя Саветы дэпутатаў Рэспублікі Беларусь 28-га склікання.
Далучыліся да рэспубліканскай акцыі і актывісты Пастаўскага раённага камітэта БРСМ. 30 снежня ў магазіне «Малако» на плошчы Леніна яны правялі пікет. Падчас яго ўсе жадаючыя маглі напісаць на флаерах свае пажаданні патэнцыяльным дэпутатам і апусціць іх у спецыяльную скрыню.
— Сваёй мэтай ставім, па-першае, акцэнтаваць увагу насельніцтва на тое, што выбары адбудуцца 18 лютага, па-другое, наладзіць зваротную сувязь паміж народам і яго будучымі выбраннікамі, — патлумачыла сутнасць акцыі другі сакратар райкама ГА «БРСМ» Вераніка Казлоўская. — Спадзяёмся, што пастаўчане праявяць актыўнасць і ў сваіх пасланнях уздымуць хвалюючыя іх пытанні.
Такія мерапрыемствы моладзь Пастаўшчыны будзе ладзіць кожны тыдзень. Даведацца пра месца і час іх правядзення можна па тэлефоне 2-39-71. Акцыя «#Моладзь вырашае!» будзе доўжыцца па 17 лютага ўключна. Пасля заканчэння выбараў пажаданні жыхароў раёна маладзёжныя лідары ўручаць народным выбраннікам.
Тэкст і фота Веранікі ФІЛАНОВІЧ, газета «Пастаўскі край»