На вытворчым рэспубліканскім унітарным прадпрыемстве “Віцебскаблгаз” падведзены вынікі чарговага конкурсу на званне “Чалавек года газавай гаспадаркі Віцебшчыны”. У адной з намінацый яго пераможцам выйшаў вадзіцель Пастаўскага раёна газазабеспячэння вытворчага ўпраўлення “Глыбокаегаз” Віктар Зянонавіч Альхімёнак. Ва ўрачыстай абстаноўцы яму, як і іншым пераможцам, былі ўручаны ганаровы дыплом і грашовая прэмія.
В. З. Альхімёнак працуе ў газавай гаспадарцы Пастаўшчыны 37 гадоў. Вадзіцель аварыйнай службы з’яўляецца прыкладам ва ўсім, бездакорна выконвае свае службовыя абавязкі, перадае вопыт маладым.
Пётр КУРЫЛОВІЧ