Прыемная навіна прыйшла ў пачатку мінулага тыдня ў Пастаўскую дзіцячую школу мастацтваў імя А. Тызенгаўза. Адна з яе вучаніц — 5-класніца Валерыя Патрушава — заваявала Гран-пры на міжнародным фестывалі-конкурсе мастацтваў “Зорная восень”, які праходзіў 14 кастрычніка ў Кіеве.
Разам з дыпломам і прыгожым Кубкам дзяўчынка атрымала магчымасць бясплатна прыняць удзел у наступным конкурсе “Зорная восень”. Акрамя таго, яна і педагог Галіна Эдуардаўна Барысюк пачулі шмат захопленых водгукаў пра сваё майстэрства і віншаванняў з перамогай ад прафесійных музыкантаў Украіны, выкладчыкаў і вучняў Пастаўскай дзіцячай школы мастацтваў.
Нам застаецца толькі далучыцца да іх і сказаць: “Брава, Лера! Брава, Галіна Эдуардаўна!”
Алена ШАПАВАЛАВА, газета “Пастаўскі край”