30 чэрвеня адбылася чарговая сесія раённага Савета дэпутатаў. З дакладам па першым пытанні, вынесеным на парадак дня, “Аб рабоце ўстаноў адукацыі раёна па арганізацыі вучэбна-выхаваўчага працэсу і прафесійнай арыентацыі навучэнцаў” выступіў начальнік аддзела адукацыі, спорту і турызму райвыканкама А. Я. Кашырын. Слова ў спрэчках узялі дырэктары: СШ №1 — П. Ю. Трава, Старадворскай базавай школы — А. І. Ластоўская, дзяржаўнага каледжа — М. М. Лысёнак.
Пра работу, якая праводзіцца на Пастаўшчыне па рацыянальным выкарыстанні прыродных рэсурсаў, ахове навакольнага асяроддзя і забеспячэнні экалагічнай бяспекі, далажыў начальнік раённай інспекцыі прыродных рэсурсаў і аховы навакольнага асяроддзя В. І. Казак. Тэму прадоўжылі ў сваіх выступленнях начальнік землеўпарадкавальнай службы раёна А. В. Іванькова, галоўны санітарны ўрач раёна С. А. Рассеева і старшыня Навасёлкаўскага сельскага СаветаК. Э. Мядзведзеў.
Па абодвух абмеркаваных пытаннях дэпутатамі прыняты адпаведныя рашэнні. У рабоце сесіі прыняў удзел і выступіў перад прысутнымі старшыня раённага выканаўчага камітэта В. С. Гутараў.
Фаіна КАСАТКІНА