22 красавіка — кірмаш

У адпаведнасці з распараджэннем райвыканкама, кожную нядзелю з 9 па 29 красавіка на рынку райспажыўтаварыства ў Паставах праводзяцца вясеннія кірмашы па продажы сельскагаспадарчай і іншай прадукцыі. Чарговы пройдзе 22 красавіка.

Свае тавары пакупнікам прапануюць сельскагаспадарчыя і перапрацоўчыя прадпрыемствы, раённае спажывецкае таварыства і іншыя арганізацыі, фермеры. Можна будзе набыць мяса, бульбу, зерне, цялят, мяса-малочную, плодаагароднінную, хлебабулачную прадукцыю, саджанцы і многае іншае.

Адкрыццё кірмашу ў 9.00. Работнікі культуры падрыхтавалі цікавую забаўляльную праграму.

Вясенні кірмаш у Лынтупах запрашае 27 красавіка.