Паважаныя жыхары Пастаўскага раёна! Сардэчна віншуем вас з Днём Канстытуцыі Рэспублікі Беларусь!
Асноўны Закон з’яўляецца адным з сімвалаў беларускай дзяржаўнасці і стаў фундаментам сістэмы палітычных, эканамічных і сацыяльных адносін, зацвердзіў прынцыпы канстытуцыйнага ладу, замацаваў правы, свабоды і абавязкі грамадзян. Гэта свята напаўняе сэрцы гордасцю за краіну, вызначае прававую аснову нашага жыцця, нацэльвае на паспяховае сацыяльна-эканамічнае і грамадска-палітычнае развіццё.
Росквіт Айчыны вызначаеццца ўменнем працаваць, праяўляць ініцыятыву і гаспадарлівасць, быць патрыётам сваёй Радзімы. Наш грамадзянскі абавязак — паважаць Канстытуцыю, строга кіравацца яе палажэннямі, павышаць прававую культуру грамадства.
Шчыра жадаем вам моцнага здароўя, шчасця, радасці і дабрабыту.
Сяргей Чэпік, старшыня раённага выканаўчага камітэта
Пётр Курто, старшыня раённага Савета дэпутатаў