15 сакавіка – Дзень Канстытуцыі Беларусі

Паважаныя жыхары Пастаўшчыны!

15 сакавіка — гістарычная дата ў летапісе Беларусі. Менавіта ў гэты дзень быў прыняты Асноўны Закон нашай дзяржавы — Канстытуцыя. Яна з’яўляецца галоўнай прававой апорай суверэннай краіны, надзейным арыенцірам дзяржаўнай палітыкі, накіраванай на стварэнне эфектыўнай эканомікі, забеспячэнне сацыяльнай абароны і дабрабыту насельніцтва, беражлівыя адносіны да традыцый беларускага народа. Гэты дакумент надзейна абараняе правы і свабоды чалавека, стварае ўмовы для поўнага раскрыцця асобы.

Наша задача — шанаваць закладзеныя ў Асноўным Законе краіны агульнанацыянальныя каштоўнасці і рабіць усё магчымае для працвітання роднага краю. Развіццё раёна напрамую залежыць ад таго, як будзем выконваць свае абавязкі, наколькі прадукцыйна будзем працаваць і знаходзіць эфектыўнае вырашэнне штодзённых задач.

Сяргей Чэпік, старшыня раённага выканаўчага камітэта

Пётр Курто, старшыня раённага Савета дэпутатаў