У аграгарадку Кураполле прайшоў пяты раённы конкурс "Майстры вёскі". Калі раней у ім удзельнічалі маладыя сем'і, якія ў асноўным працавалі ў сельскагаспадарчай вытворчасці, то цяпер яны могуць быць заняты і на іншых участках, мець розныя прафесіі. Такім і атрымаўся сёлетні склад удзельнікаў.
Пагранічнік-кантрактнік Ян Урбель і яго жонка Валянціна, якая працуе жывёлаводам, прадстаўлялі вёску Ярэва. Службу на граніцы нясе і Аляксей Раманоўскі. На конкурс ён прыехаў з Палесся з жонкай Аленай і сынам Рэнатам. Чыгуначнік Андрэй Клімашэўскі, Надзея і іх дачушка Ульяна жывуць у Варапаеве. Самай шматлікай аказалася сям'я Вешчанікіных з Кураполля. У Ігара (ён працуе механізатарам сельгаспрадпрыемства) і Іны трое дзяцей, меншай усяго чатыры месяцы.
4 кастрычніка ў раённым Доме культуры па вуліцы Станкевіча адбылася тэматычная праграма, прысвечаная Дню маці.
Адкрыла ўрачыстасць салістка народнай эстраднай групы “25 плюс-мінус” Вольга Балотнікава. У яе выкананні прагучала добра вядомая, нестарэючая песня «Поговори со мною, мама». Яна да глыбіні душы кранула прысутных у зале, нібы паклала пачатак шчырай, даверлівай размове з самым дарагім, найлепшым і пяшчотным чалавекам — мамай. А ўвасабленнем усіх гэтых рыс сталі пастаўчанкі, галоўныя гераіні свята, узнагароджаныя ордэнам Маці, Вольга Мікалаеўна Мурзіч і Таццяна Леанідаўна Пасечнік. На свята яны прыйшлі разам са сваімі самымі блізкімі людзьмі і пацвердзілі, што вялікая дружная сям’я і ёсць галоўнае багацце ў жыцці.
На "прамую тэлефонную лінію", якую старшыня райвыканкама Віктар Сяргеевіч Гутараў праводзіў 1 кастрычніка, паступіла 11 зваротаў. Людзі званілі па розных пытаннях, і па некаторых з іх тлумачэнні атрымалі адразу падчас размовы. У прыватнасці, аб парадку афармлення дакументаў на гаспадарчыя пабудовы, аб падачы гарачай вады ў гарадскія шматпавярхоўкі.
Пісьмовыя адказы па пытаннях работы Юнькаўскага СДК і арганізацыі руху транспарту па завулку 17 Верасня ў райцэнтры адпраўлены грамадзянам, якія іх задавалі.
Пад такой назвай у пятніцу, 14 кастрычніка, у раённым Доме культуры па вуліцы Станкевіча адбудзецца свята, прымеркаван да Дня маці. У праграме: ушаноўванне мнагадзетных мам, святочны канцэрт з удзелам дзіцячых калектываў.
Пачатак у 16 гадзін. Уваход свабодны.