Новости района Архив

13-15 жніўня адкрытае акцыянернае таварыства “Пастаўскі малочны завод” удзельнічала ў маштабнай выставе беларускіх вытворцаў “Made in Belarus”, якая праходзіла ў горадзе Астане Рэспублікі Казахстан.

Унікальным шансам прасоўвання сваёй прадукцыі, інфармацыйных тэхналогій, турызму, транспартных паслуг на рынку Казахстана скарысталася больш за 70 беларускіх вытворцаў. Такая магчымасць была прадастаўлена вядомым брэндам. У іх лік трапіў і “Паставы-гарадок”.

Аляксандр Курдо зерневыя і зернебабовыя на палях адкрытага акцыянернага таварыства «Навасёлкі-Лучай» убірае шаснаццаты сезон. У 2005 го­дзе кіраўніцтва даверыла яму «Джон Дзір» замежнай вытворчасці. Камбайнер сочыць за яго тэхнічным станам, дасканала рыхтуе да пачатку ўборачнай, і машына не падводзіць.

Жніво на жніво не прыходзіцца. Рознымі былі намалоты за ўборачны сезон: і дзве тысячы тон, і тысяча. Сёлета на яго рахунку пакуль толькі 518 тон. Усё залежыць ад ураджайнасці нівы, а старанне Аляксандра нязменнае. Памочнікам у яго сын Андрэй — навучэнец каледжа. Сямейны экіпаж Курдо сярод лепшых у гаспадарцы.