«Галоўнае слова ў кожным лёсе»
Мерапрыемства пад такой назвай адбудзецца ў пятніцу, 13 кастрычніка, у раённым Доме культуры. У фае будзе працаваць выстава малюнкаў навучэнцаў дзіцячай школы мастацтваў імя А. Ромера “Жаночы вобраз”, пройдзе акцыя “Дару сваё сэрца”. Затым — вялікі святочны канцэрт з удзелам дзіцячых мастацкіх калектываў. Пачатак у 16 гадзін.
На працягу трох дзён, з с 27 па 29 верасня, у Мінску праходзіла Міжнародная турыстычная выстава “Турбізнес-2017” з удзелам турарганізацый Беларусі, Расіі, Украіны, Турцыі, Егіпта, Тайланда, Перу, Грэцыі, Венгрыі, Славакіі, Палесціны, Кубы і іншых краін.
Удзел у выставе — гэта ўнікальная магчымасць для рэкламы турыстычных маршрутаў, сустрэч са старымі партнёрамі, наладжвання новых дзелавых кантактаў. Другі год запар магчымасцю прарэкламаваць сябе карыстаюцца і пастаўчане. У прыватнасці, ДА “Фізічная культура, спорт і турызм Пастаўскага раёна” актыўна папулярызуе спартыўна-турыстычны комплекс “Азёркі” і яго брэнд — Дзеда Бая.
На тое і восеньскі кірмаш, каб тавараў на ім было як найбольш, а цэны — як мага ніжэйшыя. Патэнцыяльныя пакупнікі чакалі яго. Самыя нецярплівыя тэлефанавалі да нас у рэдакцыю: “Калі ў газеце з’явіцца аб’ява аб маючым адбыцца кірмашы?”. Нарэшце з’явілася.
Чаго толькі ні было на кірмашы — бульба, збожжа, капуста, рыба, мясныя і малочныя прадукты, саджанцы, кветкі і многае-многае іншае, здабытае нялёгкай працай на зямлі. Прычым не толькі з нашага раёна, але і з Мядзельскага, Шаркаўшчынскага, Смаргонскага, Маладзечанскага і з іншых. Асабліва шмат прадавалі бульбы і капусты.
У нядзелю, 8 кастрычніка, пройдзе свята аграгарадка Камаі. У яго рамках адбудзецца адкрыты сельскагаспадарчы конкурс сярод маладых сямей "Майстры вёскі", рыхтуецца насычаная культурная праграма, у тым ліку выступленне ансамбля народнай песні "Маладзіца", будзе наладжаны гандаль.
У мерапрыемствах прымуць удзел маладыя сем'і з Лынтупскага, Камайскага, Курапольскага сельскіх саветаў, а таксама госці з Резэкненскага і Віесіцкага краю Латвіі.
У Лынтупскім філіяле тэрытарыяльнага цэнтра сацыяльнага абслугоўвання насельніцтва напярэдадні Міжнароднага дня пажылых людзей арганізавалі велапрабег “Лэдзі на веласіпедзе” і конкурс вадзіцельскага майстэрства “Аўталэдзі-2017” сярод жанчын-аўтааматараў, якім за 50.
— Калі ў гарадах людзі могуць дабірацца з аднаго месца ў іншае на аўтобусе, тралейбусе, метро, трамваі, то ў нашым пасёлку — у асноўным на веласіпедзе, — гаварыла, адкрываючы свята, загадчыца Лынтупскага філіяла ТЦСАН Алена Валасевіч (яна ж і аўтар сцэнарыя). — А яшчэ гэты від транспарту з’яўляецца эфектыўным для аздараўлення і даўгалецця. Што і пацвярджаюць нашы канкурсанты.
1 кастрычніка ў Беларусі адзначаецца Дзень пажылых людзей. З гэтай нагоды ў нашым раёне абудзецца шэраг мерапрыемстваў. У пятніцу, 29 верасня, у 14.00 на цэнтральнай плошчы гарпасёлка Лынтупы пачнецца свята “Узрост — жыццю не перашкода”, а таксама велапрабег “Лэдзі на веласіпедзе”, “Аўталэдзі-2017” і святочны канцэрт.
У панядзелак, 2 кастрычніка, з 11.00 у фае раённага Дома культуры па вуліцы Станкевіча ў Паставах будзе працаваць выязная прыёмная — жадаючыя змогуць звярнуцца да ўрача агульнай практыкі, псіхолага, юрыста, спецыяліста па пенсійных пытаннях, в. а. старшыні раённай арганізацыі Беларускага таварыства Чырвонага Крыжа. Затым — канцэрт мастацкай самадзейнасці. Уваход свабодны.