Ва ўстановах адукацыі Пастаўшчыны адбылася выбарчая кампанія ў Маладзёжную палату другога склікання пры раённым Савеце дэпутатаў.
Выбары прайшлі ў трох школах райцэнтра (№№1, 2, 3), гімназіі, Гуцкай, Камайскай, Дунілавіцкай, Варапаеўскай і Лынтупскай школах. Шэрагі маладых парламентарыяў папоўнілі 18 новых членаў. Яны заменяць тых маладзёжных актывістаў, якія сёлета заканчваюць школу. Асноўныя патрабаванні да кандыдата — быць яркай асобай, мець актыўную грамадзянскую пазіцыю, удзельнічаць у грамадскім жыцці класа, школы, раёна.
У адпаведнасці з распараджэннем райвыканкама, кожную нядзелю з 9 па 29 красавіка на рынку райспажыўтаварыства ў Паставах праводзяцца вясеннія кірмашы па продажы сельскагаспадарчай і іншай прадукцыі. Чарговы пройдзе 22 красавіка.
Свае тавары пакупнікам прапануюць сельскагаспадарчыя і перапрацоўчыя прадпрыемствы, раённае спажывецкае таварыства і іншыя арганізацыі, фермеры. Можна будзе набыць мяса, бульбу, зерне, цялят, мяса-малочную, плодаагароднінную, хлебабулачную прадукцыю, саджанцы і многае іншае.
Для католікаў Пастаў 8 красавіка стаў адметным днём — да іх завітаў біскуп Віцебскай дыяцэзіі Алег Буткевіч.
Спачатку ён цэлебраваў Імшу ў касцёле Святога Антонія Падуанскага, а затым у парафіі Езуса Міласэрнага. На ўрачыстасці прысутнічалі прадстаўнікі мясцовай улады на чале з намеснікам старшыні райвыканкама Юрый Кісялёвым, ксёндз-дэкан Павел Самсонаў, пробашч суседняй парафіі Вадзім Прасяной, дырэктар дабрачыннага таварыства “Карытас” Віцебскай дыяцэзіі Андрэй Аніскевіч, шмат парафіян, гасцей, дабрадзеяў.
Біскуп прывёз важны дакумент — свой Дэкрэт, згодна з якім акрэслены новыя межы парафій. З гэтага часу католікі не толькі мікрараёна 5 гарадка, навакольных вёсак, але і вуліцы Юбілейнай належаць да парафіі Езуса Міласэрнага.
В связи с капитальным ремонтом железнодорожного переезда будет закрыто движение автотранспорта через переезд 47 км пк 2 перегона Глубокое — Воропаево (автодорога Воропаево — Ясюки) 19.04.2018 года с 10.00 час до 18.00 час.
Объезд согласно установленным знакам.
25 гадоў спаўняецца ўзорнаму духавому аркестру Пастаўскага дзяржаўнага каледжа. Да гэтай даты яго ўдзельнікі падрыхтавалі вялікую творчую справаздачу, з якой выступяць у суботу, 14 красавіка, у Канцэртнай зале па вуліцы Чырвонаармейскайу Паставах. У сольным выкананні юных музыкантаў прагучаць класічныя і беларускія народныя творы, творы з папулярных кінафільмаў, добра вядомыя «Паланэз Агінскага» і «Беларускі марш». Акрамя таго, сваім майстэрствам парадуе вакальна-інструментальны ансамбль «Музей», створаны на базе аркестра.
Пачатак канцэрта ў 14.00. Абавязкова прыходзьце і раздзяліце з калектывам аркестра радасць яго юбілею. Уваход свабодны.