На мінулым тыдні адбылася радасная падзея і ў жыцці галоўнага ўрача абласнога дзіцячага рэабілітацыйна-аздараўленчага цэнтра “Ветразь” Сяргея Петухова.
У Мінску прайшла цырымонія ўшаноўвання лаўрэатаў конкурсу “Чалавек сваёй справы”, які штогод праводзіць часопіс “Дело”.
Адзначаюцца кіраўнікі айчынных і замежных прадпрыемстваў, якія развіваюцца найбольш дынамічна. У іх лік трапіў і С. Ю. Петухоў. Сяргей Юрыевіч адзначаны сацыяльнай прэміяй “Палаючае сэрца” ў намінацыі “За духоўнасць і міласэрнасць у аказанні медыка-сацыяльнай дапамогі”.
Памятная падзея адбылася 5 ліпеня. Па традыцыі падчас святкавання Дня Незалежнасці Рэспублікі Беларусь у сталіцы ўшаноўвалі выпускнікоў вышэйшых ваенных навучальных устаноў.
— Мне таксама пашчасціла быць запрошаным на ўрачыстасць у Палац Незалежнасці і атрымаць з рук кіраўніка дзяржавы Падзяку Прэзідэнта, — не хавае радасці Аляксандр Мікалаевіч. — Уражанні незабыўныя. У захапленні ад самога палаца, у якім пабываў упершыню. Да глыбіні душы ўзрушыла ўрачыстая цырымонія ўручэння пагонаў і ўзнагарод.
Аляксандр Гарус 15 чэрвеня закончыў магістратуру пры Акадэміі Міністэрства ўнутраных спраў Рэспублікі Беларусь і адзіны з 44 аднакурснікаў удастоены Падзякі Прэзідэнта.
Такая прыемная навіна прыйшла ў калектыў прадпрыемства напярэдадні Дня Незалежнасці Рэспублікі Беларусь. Указ аб занясенні на Дошку гонару 64 пераможцаў спаборніцтва за мінулы год кіраўнік дзяржавы падпісаў 26 чэрвеня. З аграпрамысловага комплексу краіны адзначаны восем прадстаўнікоў, у тым ліку і наш завод.
Нагадаем, што гэта прадпрыемства занесена сёлета і на абласную Дошку гонару.
Два апошнія дні чэрвеня ва ўрочышчы Азёркі панавала паходная рамантыка: паўсюль разбітыя турыстычныя палаткі, разведзеныя вогнішчы, духмяны водар страў, што гатаваліся на іх, гучныя спартыўныя воклічы. Тут праходзіў раённы турыстычны злёт моладзі.
Сёлета ён быў прымеркаваны да Года малой радзімы і 100-годдзя ўтварэння Усесаюзнага ленінскага камуністычнага саюза моладзі, добрыя традыцыі якога зараз прадаўжае БРСМ. За званне найлепшага турыста змагаліся 9 каманд. У шматлікіх конкурсах свой спрыт, фізічную падрыхтоўку, уменне арыентавацца на мясцовасці, творчыя здольнасці дэманстравалі прадстаўнікі малочнага завода, жыллёва-камунальнай гаспадаркі, цэнтральнай раённай бальніцы, завода «Беліт», лясгаса, сельгаспрадпрыемстваў «Дунілавічы-агра» і «Навасёлкі-Лучай», Юнькаўскага і Варапаеўскага сельскіх Саветаў.
Напрыканцы гэтага месяца ў раён прыйшла прыемная навіна — па выніках мінулага года Камайскі сельскі Савет прызнаны адным з пераможцаў рэспубліканскага агляду санітарнага стану і добраўпарадкавання населеных пунктаў краіны.
Віншую з перамогай старшыню Генадзія Урбанайця і прашу расказаць, як удалося «засвяціцца» ў рэспубліцы.
— Гэта была наша другая спроба, — адказаў Генадзій Часлававіч. — Упершыню ўдзельнічалі ў аглядзе тры гады назад, але ў прызёры не выйшлі. Сёлета зноў адправілі фотаматэрыялы. Паказаць нам ёсць што — Камаі год ад года ўсё больш добраўпарадкоўваюцца і прыгажэюць. У гэтым заслуга ўсіх людзей, хто жыве ў аграгарадку і стараецца, каб і на ўласных падворках, і ў грамадскіх месцах было чыста, акуратна, прыгожа. Хачу падзякаваць кіраўніцтву і працоўным калектывам ААТ «Камайскі-агра», участковай бальніцы, школы, лясніцтва і іншых устаноў за ўклад, які яны ўносяць у добраўпарадкаванне.
ФЕСТИВАЛЬ КРАСОК ХОЛИ
3 ИЮЛЯ
ПОСТАВЫ
ПЛОЩАДЬ ЛЕНИНА