Новости района Архив

З 22 па 25 верасня Папа Рымскі Францішак знаходзіўся ў краінах Балтыі: Літве, Латвіі, Эстоніі. Гэты яго візіт стаў 25-м падарожжам па-за межы Італіі з моманту пантыфікату. Духоўны лідар католікаў сустракаўся з кіраўніцтвам гэтых дзяржаў, а таксама цэлебраваў імшы ў Вільнюсе, Каўнасе, Рызе, Аглоне і Таліне.

Аглона — невялікае латышскае мястэчка, нечым падобнае да нашага Будслава. Гэта месца Папа Францішак наведаў 24 верасня, дзе каля цудатворнага абраза Маці Божай як памяць пра падзею пакінуў свой ружанец. У святой Імшы на плошчы перад Санктуарыем Маці Божай Аглонскай удзельнічалі і пілігрымы з Беларусі. Асабліва шмат іх прыехала з Віцебскай дыяцэзіі, бо Аглона знаходзіцца недалёка ад яе межаў.

30 верасня ў Паставах адбыліся мерапрыемствы, прысвечаныя 100-годдзю заканчэння першай сусветнай вайны.

У імя памяці

Мерапрыемствы — плён сумеснай шматграннай работы многіх апантаных людзей, якія па закліку сэрца аднаўляюць памяць пра падзеі Вялікай вайны, што калісьці баямі грымела і на тэрыторыі нашага раёна. Пра тое, што зроблена шмат і захады ў гэтым кірунку толькі пашыраюцца, сведчыць і міжнароднае супрацоўніцтва, наладжанае з Пасольствам Францыі. Дзякуючы яму, пастаўская дэлегацыя сёлета наведала горад Вердэн, дзе вывучала вопыт французаў па ўвекавечванні памяці той забытай вайны. А ў нядзелю ў наш горад разам з сям’ёй прыбыў Першы Саветнік Пасольства Францыі ў Беларусі Аляксандр Піке.

З 9 па 14 верасня галоўныя заатэхнік і ветурач ААТ «Хацілы-агра» Расціслаў Хацяновіч, Віктар Радзевіч, загадчыцы ферм «Навасёлкі» і «Коўзаны» ААТ «Навасёлкі-Лучай» Валянціна Мацур і Вікторыя Вартазаран прымалі ўдзел у рабоце Школы малочнай жывёлагадоўлі ў Берліне.

Паехаць на вучобу ў Германію прапанавалі прадстаўнікі кампаніі Alltech. Яна спецыялізуецца на распрацоўцы экалагічных навуковых рашэнняў для надзённых праблем сельскагаспадарчай і харчовай індустрыі, з’яўляецца сусветным лідарам у галіне кармлення і здароўя жывёлы. З ёй кіраўніцтва абедзвюх гаспадарак супрацоўнічае даўно (кансультуецца, атрымлівае карысныя парады), таму і запрашэнне на вучобу прынялі з радасцю.

У Беларусі была сфарміравана група з 12 чалавек, якая 9 верасня вылецела з Мінска ў Берлін, 10-га школа распачала работу. У ёй прымалі ўдзел прадстаўнікі малочнай галіны, спецыялісты па кармленні і ветэрынарыі, кіраўнікі гаспадарак з Казахстана, Расіі і Беларусі.

30 сентября в 14.00 на берегу Задевского озера (со стороны водозабора) состоится реконструкция исторических событий Первой мировой войны – «ПОСТАВСКИЙ РУБЕЖ». Вниманию зрителей также будут представлены полевые лагеря русской и немецкой армии, передвижной военный госпиталь и музей под открытым небом.

Вход свободный.

Программа мероприятий 30 сентября 2018 г.

Поставский районный краеведческий музей, дворец Тызенгаузов, ул. Советская, 73

10.00 – 11.00 Знакомство с экспозицией «Первая мировая война на Поставщине».

Городское кладбище № 1 вблизи деревни Макаровцы

11.30 – 13.00 Торжественная церемония захоронения останков 100 военнослужащих Русской императорской армии, погибших в период Первой мировой войны...

Традыцыйныя спаборніцтвы сярод памочнікаў міліцыянераў і пагранічнікаў сабралі 21 верасня на стадыёне фізкультурна-аздараўленчага комплексу ў райцэнтры 9 каманд-удзельніц. У іх склад увайшлі прадстаўнікі Варапаеўскага, Курапольскага, Валкоўскага і Юнькаўскага сельскіх Саветаў, ДЭУ-33, УП ЖКГ, дзяржаўнага каледжа, лясгаса і завода «Беліт».

Падчас урачыстага пастраення з прывітальным словам да іх звярнуўся намеснік старшыні райвыканкама Юрый Кісялёў:

— Шчыра дзякую за тую істотную і добрасумленную дапамогу, якую вы аказваеце сілавым структурам раёна. Кожны з вас з’яўляецца прыкладам сапраўднага чалавека, грамадзяніна, патрыёта, — гаварыў. — І сёння ў чарговы раз прадэманструеце ўзровень сваёй фізічнай падрыхтоўкі. А тое, што ён высокі, мы ніколькі не сумняваемся. Жадаю добрых вынікаў, цудоўнага настрою, а перамога няхай дастанецца наймацнейшай камандзе.

Да яго слоў далучыўся намеснік начальніка аддзела аховы грамадскага парадку і прафі­лактыкі РАУС Алег Ігнатовіч. Ён падкрэсліў, што дружыннікі ў значнай ступені спрыяюць выкананню задач, якія стаяць перад сілавікамі, пажадаў усім паспяховых стартаў.