Сёння наш раён наведалі назіральнікі ад місіі СНД - першы намеснік Генеральнага сакратара Садружнасці Незалежных Дзяржаў Леанід Анфімаў і Віталь Бусько. Яны пабывалі на трох выбарчых участках, што знаходзяцца ў Пастаўскім раённым Доме культуры, Навасёлкаўскім цэнтры культуры і Юнькоўскім сельскім выканаўчым камітэце.
Міжнародныя назіральнікі цікавіліся арганізацыяй кампаніі па выбарах Прэзідэнта Рэспублікі Беларусь і актыўнасцю выбаршчыкаў, а напрыканцы візіту далі высокую ацэнку яе правядзенню на Пастаўшчыне.
