6-7 красавіка ў Віцебску праходзіла абласная навукова-практычная канферэнцыя з рэспубліканскім удзелам па тэме “Актуальныя пытанні анестэзіялогіі і рэаніматалогіі”.
У яе рабоце прымаў удзел і ўрач анестэзіёлаг-рэаніматолаг (загадчык) аддзялення анестэзіялогіі і рэанімацыі Пастаўскай ЦРБ Мікалай Іванавіч Васюковіч. Дамоў Мікалай Іванавіч вярнуўся не толькі з новымі ідэямі па арганізацыі работы на месцы, але і з узнагародамі. За шматгадовую плённую працу, высокі прафесіяналізм, вялікі асабісты ўклад у аказанне медыцынскай дапамогі насельніцтву ён адзначаны Ганаровымі граматамі Міністэрства аховы здароўя і рэктара Віцебскага дзяржаўнага медыцынскага ўніверсітэта.
А некалькі тыдняў таму загадам начальніка ўпраўлення аховы здароўя аблвыканкама лепшым урачом псіхіятрам-нарколагам Віцебскай вобласці па выніках работы за 2016 год была прызнана Жанна Пятроўна Папова, урач псіхіятр-нарколаг Пастаўскай ЦРБ.
Віншуем!
Галіна ПІШЧ