Абмеркавана на сесіі

20 чэрвеня адбылася 35-ая сесія раённага Савета дэпутатаў 27-га склікання. Акрамя дэпутатаў, на яе запрашаліся члены выканкама, начальнікі аддзелаў і ўпраўленняў, старшыні сельскіх Саветаў, кіраўнікі арганізацый, прадпрыемстваў і ўстаноў.

Першым на абмеркаванне было вынесена пытанне “Аб сумеснай рабоце органаў мясцовага кіравання і самакіравання, грамадскіх фарміраванняў па забеспячэнні грамадскай бяспекі, прадухіленні злачыннасці, прафілактыцы злачынстваў, накіраваных супраць жыцця і здароўя грамадзян на тэрыторыі Пастаўскага раёна”. З дакладам выступіў намеснік старшыні райвыканкама Ю.М.Кісялёў, з судакладам — начальнік раённага аддзела ўнутраных спраў А.М.Гарус. Сваім вопытам работы падзяліліся ўрач псіхіятр-нарколаг цэнтральнай раённай бальніцы Ж.П.Папова, старшыня Валкоўскага сельскага Савета Т.Б.Баторы.

Другім было пытанне “Аб рэалізацыі ў раёне мерапрыемстваў Дзяржаўнай праграмы развіцця фізічнай культуры і спорту ў Рэспубліцы Беларусь на 2016—2020 гады ў частцы фізкультурна-аздараўленчай і спартыўна-масавай работы”. Па ім дакладваў намеснік начальніка аддзела адукацыі, спорту і турызму райвыканкама С.У.Чымбург. Яго дапоўнілі намеснік дырэктара па ідэалагічнай рабоце УП ЖКГ М.А.Кабайла і старшыня Варапаеўскага сельскага Савета Н.М.Седзюкевіч, якія далажылі, як пастаўлена фізкультурна-аздараўленчая і спартыўна-масавая работа, адпаведна, на УП ЖКГ і тэрыторыі сельсавета.

У рабоце сесіі прынялі ўдзел і выступілі перад прысутнымі старшыня раённага выканаўчага камітэта С.В.Чэпік і намеснік начальніка ўпраўлення ўнутраных спраў аблвыканкама А.Г.Руколь.

Фаіна КАСАТКІНА