У Беларусі ў I квартале ўвялі ў эксплуатацыю 170 км газаправодаў

У Беларусі ў першым квартале 2024 года ўвялі ў эксплуатацыю 170 км газаправодаў, паведамілі БЕЛТА ў прэс-службе Міністэрства энергетыкі.

Працягласць газавых сетак у краіне на сёння складае 67,7 тыс.км.

За першы квартал газіфікавана 2,3 тыс. кватэр, на спажыванне прыроднага газу са звадкаванага пераведзены 962 кватэры. Узровень газіфікацыі кватэр прыродным газам у цэлым па краіне дасягнуў 83,5 працэнта, у тым ліку ў сельскай мясцовасці - 50,3 працэнта.

У мэтах далейшай мадэрнізацыі і павышэння якасці абслугоўвання аб'ектаў газаразмеркавальнай сістэмы ў першым квартале бягучага года газазабеспячальныя арганізацыі правялі комплекснае прыборнае абследаванне 265,7 км падземных газаправодаў, выканалі работы па ўстаноўцы больш як 140 ізалюючых злучэнняў, адрамантавалі каля 150 катодных станцый, правялі дыягностыку амаль 160 адключаючых устройстваў і абсталявання газарэгулятарных пунктаў.

БелТА