Больш як 138 тыс. дэпазітаў для шматдзетных сем'яў адкрыта ў Беларусі па праграме "Сямейны капітал"

На 1 чэрвеня 2024 года для шматдзетных сем'яў адкрыта 138 298 дэпазітных рахункаў "Сямейны капітал". Аб гэтым БЕЛТА паведамілі ў прэс-службе Міністэрства працы і сацыяльнай абароны.

З іх 82,6 тыс. дэпазітных рахункаў на суму $826 млн і 55,7 тыс. дэпазітных рахункаў на суму Br1,42 млрд.

Па стане на 1 чэрвеня на датэрміновае распараджэнне сродкамі сямейнага капіталу пададзена 85 950 заяў. З іх на мэты паляпшэння жыллёвых умоў - 69 852, на атрыманне медыцынскіх паслуг - 9652, на атрыманне адукацыі - 6441, на набыццё тавараў для інвалідаў - 5.

Прынята 83 434 рашэнні аб датэрміновым распараджэнні сродкамі сямейнага капіталу, з іх: Брэсцкая вобласць - 17 574, Віцебская - 8057, Гомельская вобласць - 13 423, Гродзенская вобласць - 9774, Мінская - 14 439, Магілёўская - 8466, Мінск - 11 701.

Сямейны капітал назначаецца шматдзетным сем'ям пры нараджэнні (усынаўленні, удачарэнні) трэцяга або наступнага дзіцяці. З 1 студзеня 2024 года памер сямейнага капіталу складае Br31 480. У такім памеры сямейны капітал назначаецца сем'ям пры нараджэнні (усынаўленні, удачарэнні) трэцяга або наступных дзяцей у перыяд з 1 студзеня па 31 снежня 2024 года.

БелТА