Беларусь павысіла экспартныя пошліны на нафту і нафтапрадукты

У Беларусі зменены стаўкі экспартных пошлін на нафту і нафтапрадукты, што вывозяцца за межы мытнай тэрыторыі Еўразійскага эканамічнага саюза. Гэта прадугледжана пастановай Савета Міністраў ад 31 кастрычніка 2023 года нумар 741, паведамляе БЕЛТА са спасылкай на Нацыянальны прававы інтэрнэт-партал.

Згодна з дакументам стаўкі экспартных пошлін змяняюцца на сырую нафту, мазут, бітум нафтавы, вазелін і парафін, адпрацаваныя нафтапрадукты - $26,2 за 1 т (раней - $23,9 за 1 т), прамагонны бензін - $14,4 за 1 т (раней - $13,1 за 1 т), таварныя бензіны, дызельнае паліва, лёгкія, сярэднія дыстыляты, бензол, талуол, ксілолы, масла змазачнае - $7,8 за 1 т (раней - $7,1 за 1 т).

Пастанова ўступіла ў сілу 1 лістапада 2023 года.

БелТА