Беларусь павялічыць пастаўкі тарфяной прадукцыі ў Кітай

Беларусь павялічыць пастаўкі тарфяной прадукцыі ў Кітай, паведамілі БЕЛТА ў прэс-службе Міністэрства энергетыкі.

Дэлегацыя ДВА "Белпалівагаз" прыняла ўдзел у Кітайскай міжнароднай выстаўцы China International AgTech Exhibition, дзе прадставіла шырокі спектр айчыннай прадукцыі на аснове торфу. Па выніках праведзеных перагавораў бакі падпісалі кантракт, згодна з якім у Кітай будзе адпраўлена торфапрадукцыя ў аб'ёме 40 тыс. куб.м на агульную суму $443 тыс.

Згодна з дамоўленасцямі, адпраўка адбудзецца ў красавіку.

БелТА