Беларусь і Кітай маюць намер умацоўваць міждзяржаўныя сувязі

Надзвычайны і Паўнамоцны Пасол Рэспублікі Беларусь у Кітайскай Народнай Рэспубліцы Аляксандр Чарвякоў 16 красавіка правёў сустрэчу з кіраўніком міжнароднага аддзела Цэнтральнага камітэта Камуністычнай партыі КНР Лю Цзяньчаа. Аб гэтым карэспандэнту БЕЛТА паведамілі ў прэс-службе беларускага МЗС.

Бакі разгледзелі стан і перспектывы пашырэння беларуска-кітайскага супрацоўніцтва па многіх напрамках. Размова ішла таксама пра графік маючых адбыцца кантактаў на розных узроўнях.

У час перагавораў была выказана ўзаемная зацікаўленасць ва ўмацаванні міждзяржаўных сувязей, а таксама ўстанаўленні кантактаў паміж палітычнымі партыямі, грамадскімі аб'яднаннямі Беларусі і Кітая з мэтай абмену вопытам.

БелТА