Абмежаванні на наведванне лясоў дзейнічаюць у шасці раёнах Беларусі

Абмежаванні на наведванне лясоў дзейнічаюць у шасці раёнах Беларусі. Аб гэтым сведчаць даныя інтэрактыўнай карты на інтэрнэт-партале Міністэрства лясной гаспадаркі, паведамляе БЕЛТА.

Абмежаванні актуальныя для пяці раёнаў Брэсцкай вобласці: Камянецкага, Драгічынскага, Іванаўскага, Пінскага, Лунінецкага. Таксама абмежаванне ўведзена ў адным раёне Гомельскай вобласці - Жыткавіцкім.

Пры абмежаванні наведвання лясных масіваў лес можна наведваць для збору грыбоў і ягад, а таксама для пешых прагулак. Аднак неабходна выконваць патрабаванні пры знаходжанні ў лясістай мясцовасці.

Інтэрактыўная карта забарон і абмежаванняў на наведванне лясоў размешчана на сайце Мінлясгаса. З яе дапамогай можна аператыўна прасачыць, у якіх рэгіёнах забаронена наведваць лясы. Карта абнаўляецца ў рэжыме рэальнага часу, таму варта азнаёміцца з сітуацыяй непасрэдна перад наведваннем лесу.

БелТА