Творы Баха, Мендэльсона і Тарывердыева прагучаць на канцэрце арганнай музыкі ў Сафійскім саборы

Канцэрт арганнай музыкі лаўрэата міжнародных конкурсаў Кацярыны Нікалаевай пройдзе 8 жніўня ў Сафійскім саборы ў Полацку, паведамляе БЕЛТА.

Канцэрт пачнецца ў 15.00. У праграме - творы Дзітрыха Букстэхудэ, Іагана Себасцьяна Баха, Фелікса Мендэльсона, Мікаэла Тарывердыева і Марыса Дзюруфле. Шырокі канцэртны рэпертуар арганісткі ўключае музыку розных стыляў і эпох - ад барока да сучаснасці.

Кацярына Нікалаева скончыла Беларускую дзяржаўную акадэмію музыкі па спецыяльнасцях "фартэпіяна" і "арган", магістратуру. Лаўрэат XI Міжнароднага конкурсу-фестывалю арганнай музыкі "Гатчына - Санкт-Пецярбург", адкрытага нацыянальнага конкурсу "Творчая моладзь - XXI стагоддзю", конкурсу камерных ансамбляў імя Ю.Ф. Корсака. Прымала ўдзел у майстар-класах вядучых еўрапейскіх арганістаў. Як салістка і ансамблістка канцэртуе ў Беларусі, Расіі, Польшчы, Чэхіі, Германіі. Выступала на міжнародных фестывалях арганнай музыкі ў Маскве, Патсдаме, Мінску і Паставах.

БелТА