З Днём пажылых людзей віншуе Ганна Літвіновіч, старшыня раённага савета ветэранаў!

Паважаныя нашы ветэраны, людзі мудрага ўзросту!

Прыміце самыя шчырыя і цёплыя віншаванні з Днём пажылых людзей!

1 кастрычніка - адно з самых сардэчных, эмацыйных і па-сапраўднаму добрых свят. У гэты дзень прынята аддаваць даніну павагі тым, хто прайшоў слаўны працоўны, воінскі шлях і ўнёс пэўны ўклад у развіццё нашага раёна, любiмай Радзімы, хто на працягу ўсяго свайго жыцця дарыў і працягвае дарыць сваю любоў і клопат дзецям, унукам і праўнукам.

Радасна, што многія з вас па-ранейшаму ў страі, прымаюць удзел у грамадскім жыцці і дапамагаюць выхоўваць маладое пакаленне.

Моцнага вам здароўя, актыўнага даўгалецця, бадзёрасці, аптымізму, дабрабыту і ўзаемаразумення з роднымі і блізкімі. Жывіце доўга і шчасліва!

Ганна Літвіновіч, старшыня раённага савета ветэранаў