З днём пажылых людзей!
Шаноўныя пастаўчане і жыхары раёна паважанага ўзросту!
Цудоўна, што ў нашай краіне ёсць такое свята! Яно дае магчымасць прынародна ўшанаваць вас і выказаць словы падзякі. У кожнага пажылога чалавека свой лёс, але ўсе вы зведалі нямала цяжкасцей. Многія перажылі ваеннае ліхалецце, аднаўлялі разбураную гаспадарку, мацавалі эканоміку краіны. Усё, што мы сёння маем і прымнажаем, створана вамі.
Шчыры дзякуй вам, дарагія прадстаўнікі залатога ўзросту, за плённую працу, мудрасць, захаванне традыцый, любоў да роднай зямлі! Жадаем, каб ваша жыццё было доўгім і паўнацэнным, каб вас заўсёды акружалі ўвагай і клопатам родныя і блізкія, была ўпэўненасць у заўтрашнім дні. Моцнага вам здароўя і мірнага неба над родным краем!
Сяргей Чэпік, старшыня раённага выканаўчага камітэта
Пётр Курто, старшыня раённага Савета дэпутатаў