З 1 Мая!

Паважаныя пастаўчане і жыхары раёна!

Вось ужо шмат пакаленняў людзей адзначаюць цудоўнае вясновае свята — 1 Мая, якое прыходзіць да нас з вясновым красаваннем, сонцам і цяплом. Усе ведаюць яго як свята мiру, працы і абнаўлення. Яно ўслаўляе чалавека-працаўніка, чалавека-стваральніка. А менавіта такімі людзьмі багатая наша Пастаўшчына.

Згуртаванай працай, клопатам аб зямлі і любоўю да свайго дома мы ствараем заўтрашні дзень, дабрабыт малой радзімы і краіны ў цэлым.

Няхай гэты святочны дзень надасць вам сіл, бадзёрасці, прынясе новыя ідэі ў імкненні зрабіць родны край яшчэ больш квітнеючым і прывабным, натхніць на добрыя справы. Мірнага неба над галавой, дабрабыту і цудоўнага настрою!

Сяргей Чэпік, старшыня раённага выканаўчага камітэта

Юрый Кісялёў, старшыня раённага Савета дэпутатаў