У спальным корпусе спартыўна-турыстычнага комплексу «Азяркi» вядуцца будаўнічыя работы

У пачатку 2023-га каля спальнага корпуса СТК «Азяркі» «ажывілася» будаўнічая тэхніка, а ўнутры будынка ўжо трэці тыдзень працуюць брыгады цесляроў і аддзелачнікаў — усяго каля двух дзясяткаў чалавек.

Згодна з праектам, у корпусе зможа адначасова размясціцца 41 чалавек. Нумары будуць двух-і трохмясцовыя. Адзін разлічаны на людзей з абмежаванымі магчымасцямі. Будуць люксы - нумары павышанай камфортнасці з асобным санвузлом.

На дадзены момант будаўнікі «Світанку Пастаўскага» шпаклююць сцены, мантуюць у калідорах столі Армстронг. У бліжэйшых планах - усталёўка дзвярэй, кладка падлогавых пакрыццяў і іншыя віды работ.