Першае дабрачыннае мерапрыемства ў рамках акцыі «Нашы дзеці» прайшло 15 снежня ў райвыканкаме — тут стартавала раённая акцыя «Ялінка жаданняў».
44 дзіцяці з прыёмных сем'яў і дамоў сямейнага тыпу напісалі лісты Дзеду Марозу і расказалі пра свае самыя жаданыя падарункі да навагодніх свят. Усе гэтыя пажаданні ў канвертах з фатаграфіямі і дадзенымі дзяцей былі размешчаны на ялінку. Адтуль іх забралі прадстаўнікі розных арганізацый і прадпрыемстваў Пастаўшчыны, воінскіх часцей. Запаветныя падарункі ўдзельнікі атрымаюць да Новага года.