У Пастаўскім участку электрасувязі РУП "Белтэлекам" прайшоў адзіны дзень інфармавання

15 студзеня ў Пастаўскім участку электрасувязі Глыбоцкага занальнага вузла электрасувязі Віцебскага філіяла РУП "Белтэлекам" прайшоў адзіны дзень інфармавання на тэму "Ключавыя аспекты Паслання Прэзідэнта Рэспублікі Беларусь А.Р. Лукашэнкі беларускаму народу і Нацыянальнаму сходу Рэспублікі Беларусь".

З работнікамі прадпрыемства сустрэўся старшыня раённага Савета дэпутатаў Юрый Кісялёў. Ён падрабязна спыніўся на дасягненнях нашай краіны за мінулыя 5 гадоў і прыярытэтных напрамках развіцця Беларусі на 2026-2030 гады.

Як адзначыў Юрый Мікалаевіч, кіраўнік дзяржавы ў сваім выступленні пад дэвізам "Час канкрэтных спраў" закрануў ключавыя тэмы сучаснасці — ад эканамічнага і сацыяльнага развіцця Беларусі да фарміравання глабальных цэнтраў сілы.

Галоўным жа пасылам новага пяцігоддзя, агучанага Прэзідэнтам, з'яўляецца фарміраванне самадастатковай і канкурэнтаздольнай дзяржавы, у цэнтры ўвагі якой — чалавек. Гэта прадугледжвае стратэгічную мэту — пераход на якасна новы ўзровень жыцця кожнага жыхара Беларусі.

А да гэтай ёмістай мэты, па словах Юрыя Кісялёва, можна прыйсці толькі з дапамогай агульных намаганняў дзяржавы, грамадства, бізнесу з уцягваннем у гэты працэс усіх слаёў насельніцтва.