У Пастаўскім раёне адкрываецца сезон восеньскіх кірмашоў

Набыць бульбу, садавінагародніную і іншую сельскагаспадарчую прадукцыю жыхары і госці райцэнтра змогуць з 18 верасня па 2 кастрычніка (штотыдзень па нядзелях) на рынку Пастаўскага філіяла Віцебскага аблспажыўтаварыства па вул. Кастрычніцкай, 76.

23 верасня ў Лынтупах, 25 верасня на рынку Пастаўскага філіяла аблспажыўтаварыства, 29 верасня ў Варапаева пройдуць восеньскія кірмашы па продажы сельскагаспадарчай прадукцыі з удзелам выязнога гандлю і арганізацый-вытворцаў раёна. Багаты асартымент уласнай прадукцыі прапануюць сельгасарганізацыі Пастаўшчыны. Добры настрой наведвальнікам кірмашоў гарантаваны: будуць арганізаваны культурныя праграмы і музычнае суправаджэнне.