Ад шчырага сэрца віншуем вас з надыходзячым Новым годам! Звычайна гэта свята звязваюць з надзеяй на ўсё самае лепшае і светлае. Кожны з нас пра нешта марыць. Таму жадаем, каб усе вашы мары збыліся. Няхай 2023-і стане для вас шчаслівым і плённым, годам новых магчымасцей і станоўчых перамен, насычаным яркімі падзеямі і добрымі справамі.
Сардэчна жадаем вам дабрабыту і стабільнасці, невычэрпнай энергіі, здзяйснення ўсяго запаветнага. Няхай ва ўсім спадарожнічаюць удача і поспех. Моцнага здароўя, светлага, радаснага настрою вам і ўсім вашым родным!
Сяргей Чэпік, старшыня раённага выканаўчага камітэта
Пётр Курто, старшыня раённага Савета дэпутатаў
Паважаныя жыхары Пастаўшчыны!
Віншую вас з Новым гадам і Калядамі! Гэта самыя любімыя святы - святы добрых надзей і радасных чаканняў, кропка адліку новых спраў і здзяйсненняў. Яны цешаць нас зносінамі з блізкімі людзьмі, дораць нам спецыяльны настрой і ўпэўненасць у тым, што ўсё задуманае абавязкова спраўдзіцца, рэалізуюцца новыя цікавыя праекты і вызначаныя планы. Няхай у вашых сем'ях пануюць мір і дастатак. Здароўя, аптымізму, бадзёрасці, выдатнага настрою вам і вашым блізкім!
Няхай надыходзячы год будзе стабільным. Будзьце шчаслівыя!
Павел Сільчонак, дэпутат Палаты прадстаўнікоў Нацыянальнага сходу Рэспублікі Беларусь