Саўмін увёў мараторый на павышэнне цэн (тарыфаў) на ўнутраным рынку

6 кастрычніка Саветам Міністраў прынята пастанова № 669 «Аб часовых мерах па стабілізацыі цэн»

Прававым актам устанаўліваецца:

• патрабаванне – юрыдычным асобам усіх форм уласнасці і індывідуальным прадпрымальнікам, якія ажыццяўляюць вытворчасць (увоз) і (або) рэалізацыю тавараў на ўнутраны рынак або аказваюць паслугі на тэрыторыі Рэспублікі Беларусь, зафіксаваць цэны (тарыфы) на ўзроўні не вышэйшым за тыя, што прымяняюцца на 5 кастрычніка 2022 г.;
• забарона на павышэнне цэн (тарыфаў) у выніку адмены акцый, скідак і распродажаў і інш.;
• забарона на стварэнне даацэнкі суб'ектамі гандлю, якія ажыццяўляюць рознічны гандаль, астаткаў тавараў да ўзроўню цэн на зноў паступіўшы асартымент такіх тавараў.

«Рашэнні аб павышэнні цэн будуць прымаць рэспубліканскія органы дзяржаўнага кіравання, дзяржаўныя арганізацыі, падпарадкаваныя Ураду, аблвыканкамы і Мінгарвыканкам і толькі ў выпадку эканамічнай мэтазгоднасці», – паведамілі ў прэс-службе Урада.

МАРГ, іншым рэспубліканскім органам дзяржкіравання, дзяржарганізацыям, падпарадкаваным Ураду, аблвыканкамам і Мінгарвыканкаму:

• даручана ажыццяўляць кантроль за насычэннем рынку таварамі (паслугамі);
• прадстаўлены паўнамоцтвы на прыпыненне працы аб'ектаў, дзеянні спецыяльных дазволаў (ліцэнзій) у выпадку парушэння патрабаванняў пастановы Урада.

Патрабаванні прававога акта не распаўсюджваюцца на адносіны, звязаныя з рэалізацыяй тавараў юрыдычным асобам, уключаным у рэестр уладальнікаў магазінаў бяспошліннага гандлю, для іх наступнай рэалізацыі ў такіх магазінах, а таксама з рэалізацыяй гэтых тавараў у магазінах бяспошліннага гандлю.

Ва Урадзе адзначылі, што асноўнай задачай пастановы з'яўляецца гарантыя справядлівых коштаў.

Пастанова ўступае ў сілу з 6 кастрычніка 2022 г. і дзейнічае да асаблівага рашэння Савета Міністраў.

Крыніца: pravo.by