Сардэчна віншуем Вас са светлым святам Уваскрэсення Хрыстова!

Дарагія браты і сёстры!

Сардэчна віншую вас са светлым святам Уваскрэсення Хрыстова! Міласцю Божай мы дачакаліся Святога Вялікадня. У гэты прамяністы дзень Гасподзь напаўняе нашы сэрцы асаблівай мілатой, асаблівай радасцю. Радуецца сэрца, перамагае розум, і ўсе нашы думкі і пачуцці асвячаюцца святлом Уваскрослага Хрыста. Уваскрэсенне Хрыстова адзначана ўрачыстасцю жыцця над смерцю, і ў Хрысце кожны з нас мае магчымасць уласнага ўваскрэсення і быць прычаснікам вечнага жыцця. Хай зменіцца душа, памякчэе сэрца, памножацца добрыя справы, а наш лад жыцця будзе хрысціянскім, напоўненым любоўю і спачуваннем да блізкіх. Будзем несці радасць аб Уваскрослым Госпадзе сваім блізкім, сябрам, калегам, суседзям.

У дзень Святога Вялікадня малітоўна жадаю ўсім Велікоднай радасці, узаемнай любові, міру, здароўя душэўнага і цялеснага, дабрабыту, шматгоддзя і дапамогі Божай ва ўсіх добрых справах!

Хрыстос Уваскрэс! Сапраўды Уваскрэс Хрыстос!

 Благачынны, настаяцель храма Свяціцеля Мікалая  Цудатворца г. Паставы протаіерэй Валерый Пашкевіч

Дарагія пастаўчане – вернікі праваслаўнай канфесіі!

Сардэчна віншуем вас са светлым святам Уваскрэсення Хрыстова! Вось ужо шмат гадоў гэта вялікая падзея аб'ядноўвае людзей, перадаецца з пакалення ў пакаленне, дапамагае жыць у каханні і згодзе. Яно мае вялізны духоўны сэнс і азначае перамогу жыцця над смерцю. У гэтыя вясновыя дні ўсё абнаўляецца, яркімі фарбамі расквітае прырода, а ў сэрцах вернікаў пасяляюцца надзея і вера ў лепшае.

Няхай Светлы Вялікдзень напаўняе вашы дамы шчасцем і дабром, у іх заўсёды пануюць мір, каханне і ўзаемапавага. Утульнасці, цяпла і дабрабыту вашым сем'ям, а кожнаму з вас - моцнага здароўя, душэўных сіл і ўпэўненасці ў заўтрашнім дні.

Сяргей Чэпік, старшыня раённага выканаўчага камітэта

Пётр Курто, старшыня раённага Савета дэпутатаў

Дарагія пастаўчане!

Ад усёй душы віншую вас са Светлым Хрыстовым Уваскрасеннем! Вялікае свята Вялікадня нясе непагаснае святло веры, напаўняе сэрцы самымі добрымі пачуццямі, дорыць радасць, любоў і надзею. Ён дарагі мільёнам людзей — усім, хто шануе непераходзячыя хрысціянскія каштоўнасці.

Жадаю вам моцнага здароўя, дабрабыту і поспехаў ва ўсіх добрых пачынаннях. Няхай гэты дзень прынясе ў кожны дом радасць і надзею, добры настрой, мір, каханне і згоду. Няхай вашы малітвы заўсёды будуць пачуты, а богаўгодныя справы — па заслугах узнагароджаны.

Павел Сільчонак, дэпутат Палаты прадстаўнікоў Нацыянальнага сходы Рэспублікі Беларусь