Пра нарыхтоўку брусніц і журавін

Рашэннем Віцебскага абласнога выканаўчага камітэта ад 9 ліпеня 2022 г. № 410 «Аб тэрмінах збору, нарыхтоўкі (закупкі) дзікарослых ягад» у 2022 годзе на тэрыторыі Віцебскай вобласці ўстаноўлены тэрміны збору, нарыхтоўкі (закупкі) дзікарослых ягад: брусніц з 22 жніўня, журавін - з 14 верасня.

За парушэнне ўстаноўленых тэрмінаў збору або нарыхтоўкі ягад прадугледжана адміністрацыйная адказнасць па арт. 16.19. Кодэкса аб адміністрацыйных правапарушэннях Рэспублікі Беларусь. Дадзенае правапарушэнне цягне папярэджанне або накладанне штрафу на фізічную асобу ў памеры да дваццаці базавых велічынь (640 беларускіх рублёў), на індывідуальнага прадпрымальніка - да ста базавых велічынь (3200 беларускіх рублёў), а на юрыдычную асобу – да пяцісот базавых велічынь (16000 беларускіх рублёў).