На мінулым тыдні сцэна Юнькоўскага сельскага Дома культуры стала здымачнай пляцоўкай для перадачы «Наперад у мінулае». Гэта праграма выходзіць на тэлеканале «Беларусь 3» і прысвечана захаванню спрадвечнай песеннай культуры Беларусі.
У здымках удзельнічалі народны гурт аўтэнтычнай песні з аг. Андроны, народны жаночы клуб «Юнчанка» і прадстаўнікі маладзёжных фальклорных гуртоў з Гуты, Варапаева, Дуніловіч, якія паказалі народную гульню «Яшчар».
Выпуск праграмы можна будзе ўбачыць на тэлеканале «Беларусь 3» 10 красавіка.