Паважаныя жыхары Пастаўскага раёна! Сардэчна віншуем вас з 1 Мая - святам вясны і працы!

Традыцыі Першамая з яго лозунгам «Мір! Праца! Май!» не страцілі сваёй значнасці. Гэта свята працы, згоды і паразумення прадстаўнікоў розных прафесій, пакаленняў і перакананняў, жывучых на адной зямлі, - усіх, хто імкнецца сваёй упартай працай змяніць жыццё да лепшага. Гэта свята таксама сімвалізуе надыход вясны, цяпла і дорыць нам асаблівы душэўны ўздым, абуджае жыццёвую энергію.

Жыхары Пастаўшчыны заўсёды ўмелі працаваць на агульную карысць, робячы наш раён яшчэ больш прывабным і камфортным. Няхай гэта цудоўнае свята надасць вам аптымізму і веры ва ўласныя сілы. Ад усёй душы жадаем вам выдатнага настрою, дабрабыту і ўдачы ва ўсіх справах!

Сяргей Чэпік, старшыня раённага выканаўчага камітэта

Пётр Курто, старшыня раённага Савета дэпутатаў