Паважаныя вернікі і святары праваслаўнай царквы!

Прыміце самыя цёплыя віншаванні з Раством Хрыстовым, якое азарае наша жыццё асаблівым святлом, абуджае самыя добрыя пачуцці, звяртае нас да духоўных вытокаў і традыцый.

Гэты час добрых намераў і спраў, шчырага клопату аб блізкіх і аб тых, хто мае патрэбу ў дапамозе і падтрымцы. Нам усім патрэбны простыя і вельмі важныя радасці: мір і спакой, упэўненасць у заўтрашнім дні, добрыя адносіны з сябрамі, калегамі, суседзямі. Няхай радасць Раства наведае кожны дом, напоўніць яго згодай і ўтульнасцю, аб'яднае сем'і, натхніць на новыя здзяйсненні і добрыя справы, а віфлеемская зорка асвятляе нам шлях, які вядзе да дастойнага і шчаслівага жыцця.

Шчыра жадаем усім моцнага здароўя, шчасця, добрага настрою, аптымізму, удачы і поспехаў ва ўсіх пачынаннях.

Сяргей Чэпік, старшыня раённага выканаўчага камітэта

Пётр Курто, старшыня раённага Савета дэпутатаў

* * *

Дарагія браты і сёстры!

Сардэчна віншую вас з Вялікім святам Нараджэння Хрыстовага і надыходзячым Навагоддзем! У Святланосную Калядную ноч мы ўзгадваем падзею, якая адбылася больш за 2000 гадоў таму ў Віфлееме і змяніла ход чалавечай гісторыі. З нараджэннем Збавіцеля адкрываецца новая хрысціянская эпоха, даецца новы закон, заснаваны на любові і маральнасці. Асновай маральнасці з'яўляецца вера ў Бога, і калі я маю веру, дык і сэрца сваё я буду старацца захоўваць у чысціні.

І дай Бог, каб наша сэрца стала Віфлеемскімі яслямі і Гасподзь знайшоў там каштоўныя дары — веру, любоў, дабрыню, пакорнасць, пакору і міласэрнасць. Будзем захоўваць веру ў Бога, захоўваць духоўна-маральныя традыцыі і адзінства нашага народа! Няхай надыходзячы новы год будзе светлым, мірным і радасным для нас. Малітоўна жадаю вам здароўя душэўнага і цялеснайга, духоўнай радасці, дабрабыту і літасці Божай у надыходзячым годзе!

З Раством Хрыстовым!

Благачынны, настаяцель храма свяціцеля Мікалая Цудатворца г.Паставы протаіерэй Валерый Пашкевіч