Для прадстаўнікоў ваенна-гістарычнага клуба «Пастаўскі гарнізон» мерапрыемства стала самым маштабным з усіх, у якіх яны калі-небудзь удзельнічалі.
На «Прорывъ» адправіліся 30 беларускіх рэканструктараў. З пастаўчан туды паехалі Дзмітрый Жураў, Аляксандр Кузняцоў, Сяргей Казура, Раман Рубель і Іван Сцепаненка. Далучыліся да іх і ўдзельнікі «Пастаўскага гарнізона» з Нарачы і Мядзела Сяргей Мамошкін і Аляксандр Арцюшэнкаў. Дарога туды-назад склала больш за 2 тысячы кіламетраў і заняла суткі. Але гэта каштавала таго!