Дзве «Джылі Эмгранд» колеру белага золата вырашылі задзейнічаць на абслугоўванні выклікаў, якія паступаюць дыспетчару паліклінікі цэнтральнай райбальніцы. Транспарт будзе дастаўляць урачоў для аказання неадкладнай медыцынскай дапамогі, выканання дыягнастычных і лячэбных мерапрыемстваў дома пацыентам з захворваннямі, якія абмяжоўваюць або пазбавілі чалавека рухальнай актыўнасці. Курсіраваць аўтамабілі будуць не толькі па райцэнтры, але і па вёсках, прымацаваных да гарадской паліклінікі. Таксама да месца прыёму ва ўчастковыя бальніцы на іх будуць дабірацца вузкія спецыялісты.